Hello Dosto mai aaj fir se mai aapke liye "A True Love Story" ke aage ki kahani share kar raha hun.
Maaf karna dosto aaj mai ek din let ho gya.

Phir Usne kaha ke tum bekar uske pichhe apna waqt barbad kar rahe ho, Wo mere bhai ke saale Yani meri bhabhi ke bhai se pyar karti hai, Phir raj ko such me is baat par yakin ho gya. Aur phir wo aur jyada Udas ho gya, Phir usi raat raj ke dost Irban jo udisa me rehta tha usne raj ko call kiya aur kaha ke taara ne mujhe saari baat batai tum us ladki ko apne dil me thodi si jagah de kar dekho wo bahut achhi hai aur tumse bahut pyar karti hai, par usne tumhe kabhi bataya nahi kyuki wo janti thi tum kisi aur se pyar karte ho. Aur tum us Laaiba ko bhul jao wo aese bhi tumhare layak nahi thi tumne use jitna pyar diya usne utna hi bhao khaya use pta nahi ke usne kitni kimti cheez ko khoya hai. Phir Raj ne kaha ke mai ek baat bolu, mai bhi bahut pehle se us ladki ko pasand karta tha par maine use us nazar se nahi dekha kyuki mai Laaiba se pyar karta tha aur mai use dhokha nahi dena chahta tha. Phir Irban ne kaha ke ab kuchh mat socho aur us ladki ko apna banalo wo tumhe bahut pyar karegi. To Raj ne kaha ke thik hai par pyar use pehle hua tha wo izhar karegi mai nahi. To Irban bahut khush hua aur kaha ke thik hai mai abhi use bta ta hun ke tumne haan kardi.

Phir agle din Subah taara ‘G’ Yani ke Guddi jo uske ghar ka nick name tha uska latter lekar aai, aur Raj se kaha suno, to raj ne ansuna kar diya aur wahan se chala gya, phir usne dekha aur phir bulaya raj ne use bahut ghumaya, phir latter liya aur padha. Usme likha tha, ke Assalam-o-alaikum Mera naam Shagufta hai mai aapse bahut pyar karti hun aur ye bhi janti hun ke aap shahajhan se pyar karte hain par mujhe is baat se koi fark nahi padta kyuki wo shayad nahi janti ke usne kya khoya hai, Mai apko Chahti hun ye btane ki himmat nahi thi par aaj taara aur Irban ki madad se mera khwab pura hua.

Ye latter padhte hue raj k ek aur dost naushad ne dekh liya raj ne use chhupane ki koshish ki par baad me sab bta diya, to naushad ne kaha ke wo bahut achhi ladki hai use apnalo yaar aisi ladki kismet walo ko milti hai.

Raj ne jwab me likha ‘Mai janta hun ke tum mujhse us waqt se pyar karti  ho jab tumne mujhe mere mama ki shadi me pahli baar dekha tha mai bhi tumhe pasand karta tha par maine bhi kabhi nahi kaha kyuki mai kisi aur se payr karta tha.

Phir usi Din Raj Nawada se wapas apne ghar Koderma aane wala tha wo din juma ka tha aur Namaz ke Baad wo wahan se rawana hone wala tha.

Namaz ke baad khana khane ke baad jab wo taara se milne gya to usne kaha ke 2 minute rukna mai aati hun, Phir Raj ne dekha ke achanak uske samne Shagufta aagayi taara shagufta ko bulane hi gayi thi.

Aur phir dono Ek dusre ko dekhte rahe to taara ne kaha ke dekhte hi rahoge ya kuchh bolo ge bhi, To raj ne kaha ke kya bolu taara ne kaha bolo I love you, raj ne kaha pagal ho kya yaha pe bagal me mami hai sun legi to.

Phir raj wahan se nikal gya aur nikalta hua ishare se keh gya ”I LOVE YOU” shagufta ne bhi aankho se jwab de diya, na kisi ne suna aur na kisi ne dekha dono ke Dil ki baat ek dusre ke dil se takra gayi.

Phir jab raj ghar se nikalne laga to Laaiba dekhti reh gayi ke maine ise kal thukraya aur aaj ise mujhse se achhi ladki ne purpose kar diya wo afsos kar ke reh gayi. Phir jab  bus ke liye wo nikla to uske sath taara bhi bus stop tak gayi aur kaha ke apna no. do mai Shagufta ko de dungi aur koi photo ho to wo bhi.

Phir raj ne use no. aur photo diya.

Thanks For Reading....